Minsang may affair sa office nila, sa halip na ang hinihintay na First Lady as special guest, ang dumating bilang kinatawan nito ay si Eric. Naging comedy ang unang pagkikita nila ni Roan dahil nauntog ito sa pinto at nagkomento tungkol sa mamahaling cellphone ni Eric na puede raw magpakain ng maraming batang mahihirap. Narinig ito ni Eric. Akala ni Roan ay napahamak siya dahil doon nang ipatawag siya sa Malacanang. It turns out the president (Christopher de Leon) wants her to take charge of Eric’s immersion program para maging mas responsable ito. It’s easy to see na ito na ang magiging daan para magkalapit ang mga damdamin ng dalawa. Isinama ni Roan si Eric sa bukid where she does volunteer work.
Siempre, sa umpisa, nag-aasaran sila. Hirap na hirap mag-adjust si Eric na ni hindi basta makatawid sa hanging bridge at lumakad sa pilapil kaya nahulog sa putikan. Natural, moment ito para magkaroon sila ni Roan ng pa-cute scene while cavorting in the putik. Napilayan si Roan at binuhat siya ni Eric pauwi ng bahay. Doon na nagsimula ang closeness nila na nauwi sa pagtatanong ni Eric, using the children sa bukid, ng “Will you be my girlfriend?”
Naging magkasintahan nga sila. Walang kontrabida rito dahil maluwag na tinanggap si Roan ng parents ni Eric. Maging ang isang possible kontrabida (Sam Pinto) bilang friend ni Eric ay hindi rin naging balakid sa relasyon nila. Ang naging main conflict dito ay internal kay Roan. Marami siyang insecurities sa naririnig niyang hindi sila bagay ng anak na president kaya nakipag-break siya rito. Pero sa ending, na-realize niyang mahal niya talaga si Eric kaya nang makita sa TV na pabalik na ito sa States ay hinabol ito.
Ang peg ng movie ay past films ni Julia Roberts. Yung eksenang isinama si Sarah sa big social gathering sa Manila Hotel at tumalsik ang susong (snail) na kinakain niya ay reminiscent of a similar scene in “Pretty Woman”. Ang ending naman ay kuhang-kuha sa ending ng “Notting Hill” na hinabol ni Hugh Grant si Julia sa presscon nito.
In all fairness to Sarah, kahit kinopya lang ang mga eksena, she was able to carry them all. She’s a natural comedian na very charming ang dating, but she also handled her dramatic scenes well, lalo na noong nagpapaalam na siya kay Gerald dahil hindi raw sila bagay. Hindi rin naman nagpahuli si Gerald dahil mahusay rin ang acting niya sa pelikulang ito, bukod pa nga sa katotohanang he looks every inch a heartthrob leading man. He proves na puede na siyang ihiwalay sa love team nila ni Kim Chiu.
Talaga namang sinuportahan sila ng husto ng Star Cinema dahil bukod kay Christopher (na bagay na ama ni Gerald), ang ina rito ni Gerald ay si Dawn Zulueta no less, na wala namang ginawang demanding sa movie at decorative lang talaga ang role. Ang parents naman ni Sarah ay sina Joey Marquez at Almira Muhlach. Introducing dito si Matteo Guidicelli bilang kapitbahay nina Sarah na jologs ang dating at may gusto sa kanya pero hindi maipahayag kaya gumagawa na lang ng mga walang kuwentang rap songs.
No doubt, this movie’s intention is to just make kilig the viewers at nagtagumpay si Director Mae Cruz in her intentions. Nagsisigawan nga habang kinikilig ang younger viewers na kasabay naming sa maraming kilig moments in the movie. May karibal na si Cathy Molina bilang director ng ganitong mga uri ng pelikula na siyang forte ng Star Cinema.
