Matatalo ang taong bakal na si Gregor kay Captain Barbell sa kanilang unang paghaharap. Reresbak si Gaston upang tulungan si Gregor at madidiskubre niya ang kanyang kakayahang lumikha ng iba’t ibang bagay na iniisip niya gamit ang itim na pwersa. Makakatakas sina Gregor at Gaston dahil bigo silang mapatumba si Captain Barbell.
Mapapahamak si Lelay sa kaguluhang ito, kaya muling magdududa si Teng sa kanyang kakayahang maprotektahan ang mga taong mahalaga sa buhay niya. Hindi naman sinasadyang magagamit ni Celina ang kanyang kapangyarihan sa gitna ng kaguluhan. Ikwekwento ito ni Celina kay Melanie, ngunit dahil wala siyang katibayan, hindi siya pinaniwalaan nito.
Samantala, isang bagong hamon ang haharapin kay Captain Barbell sa pagkatao ni Ricky aka Kidlat. Gagamitin ni Ricky ang kanyang kakaibang bilis upang magnakaw para sa kanyang nobyang si Cherry. Mapipigilan ba ni Captain Barbell si Kidlat bago niya itakbo ang mga ninakaw niya?
Tuesday (April 5)
Hahabulin ni Captain Barbell si Ricky alias Kidlat, ngunit makakatakas si Kidlat dahil sa angking bilis nito. Dadalhin ni Ricky ang kanyang mga ninakaw na pera sa kanyang nobyang si Cherry at magpapasya silang umalis para hindi na sila mahuli ng awtoridad. Mababalitaan naman nina Gregor at Gaston ang tungkol kay Kidlat.
Makikilala naman ni Teng si Althea, ang guro ni Lelay. Mabibighanin si Teng kay Althea dahil maaalala niya si Leah dito. Samantala, mahihirapan si Lelay sa kanyang assignment na gumawa ng family tree. Ilalagay niya si Teng bilang ama niya, ngunit ipapairal ni Lita sa kanya na hindi nila kadugo si Teng at wala siyang totoong ama.
Makikipagtulungan si Captain Barbell kina Sen Villanueva at Gen. Armando para mahuli si Kidlat. Matutungtong nina Captain Barbell si Kidlat dahil inihanda nilang patibong, ngunit hindi magpapahuli si Cherry. Aagawin ni Cherry ang baril ni Lary at ihohostage niya ito.
Wednesday (April 6)
Mahuhuli si Kidlat at sasabihin sa kanya na patay na si Cherry. Dahil dito, sususuko si Kidlat at ikwekwento niya kung paano niya nadiskubre ang kanyang kapangyarihan. Nang ililipat na ni Lary si Kidlat sa bilangguan sa pamamagitan ng convoy, haharangin sila nina Gregor at Gaston. Dahil dito, sasama si Kidlat sa grupo nina Gaston at Gregor.
Tatanggapin ni Teng ang alok ni Rob na trabaho sa kumpanya niya. Ngunit lingid sa kaalaman ni Teng na papahirapan siya ni Rob para mailayo siya kay Melanie. Magtratrabaho si Teng para kay Anita at ihahatid niya ito sa kanila. Pero nang makikita ni Teng na kailangan ni Armando si Captain Barbell, iiwanan niya si Anita.
Mapapahiya naman si Lelay dahil malalaman ng klase na wala na siyang magulang.
Thursday (April 7)
Ngayong kakampi na nina Gregor at Gaston si Kidlat, aatakihin nila ang Kalayaan Headquarters. Pasasabugin ni Kidlat ang headquarters para maghiganti ang pagkamatay ni Cherry. Pero buhay pala si Cherry at nakakulong siya sa loob ng headquarters, kaya lalamunin siya ng pagsabog na ginawa ni Kidlat.
Habang inaantay si Teng, mananakawan ng cellphone si Anita. Hahabulin ni Anita ang snatcher, pero mabibitag siya ng grupo ng mga magnanakaw. Pagtutulungan ng mga magnanakaw si Anita nang biglang silang liliparin ng ipo-ipo na papalibot sa dalaga. Magugulat si Anita sa nangyari.
Patuloy ang paghihirap ni Lelay sa kanyang eskwelahan dahil kay Angelina at Susan, ang nanay ni Angelina. Aaluin naman siya ni Althea, kaya lalong mapapalapit ang loob ni Lelay sa kanya at irereto niya ito kay Teng.
Dahil sa pagkaka-atake sa Kalayaan Headquarters ng grupo nina Gregor, yayayain ni Villanueva si Captain Barbell na bumuo ng grupo upang kalabanin ang mga masasamang loob. Pero tatanggapin ba ito ni Captain Barbell?
Friday (April 8)
Hindi papayag si Captain Barbell na bumuo ng grupo para kalabanin ang grupo nina Gregor. Dismayado si Sen Villanueva at Armando sa desisyon ni Captain Barbell, kaya magdedesisyon sila na maghikayat ng iba pang superhumans na makipag-ugnayan sa kanila. Sasagot sa panawagang ito sina Misha aka Blade Girl at Anita aka Blue Cyclone.
Muling magkikita sina Teng at Althea, at malalaman ni Teng na ulila rin sa magulang si Althea. Lalong gagaan ang loob ni Teng kay Althea.
Ngunit, sa kasamaang palad, mapapaslang si Sen Villanueva sa kamay nina Gregor. Makokonsyensya si Captain Barbell sa pagkamatay ni Villanueva, kaya papayag siya na sumali sa Liga ng Kalayaan. Kasama ang mga bagong kasapi ng liga na sina Blue Cyclone at Blade Girl, sabay silang haharap sa grupo nina Gregor
