Sinabi ko na earlier sa mga reviews at predictions ko, na kung nasa matinong pag-iisip ang mga festival jurors, mananalong best actor si vice ganda at best actress si eugene domingo na parehong hindi simple ang mga ginampanang papel sa kani-kanilang mga pelikula. but it turned out na wala nga sa katinuan ang mga hurado, kaya binalewala na naman ang mga tunay na mahuhusay. Sang malaking kahunghangang totally ay inisnab sa awards ang kimmy dora at hindi man lang naparangalan ang husay nina eugene at vice bilang mga bida ng kani-kanilang mga naiibang pelikula....
Kanina ko lang napanood ang kimmy dora, ang qiemeng prequel. ni hindi ko pa naisulat ang review nito. napakaganda ng pelikula ni chris martinez at wala nang huhusay pa kay eugene domingo sa kanyang naiibang uri ng pagganap. Kahit ang mga supporting actors na sina joel torre, angel aquino at sam milby ay pawang mahuhusay rin. above excellent ang script, technical at direction ng pelikula.
Kaya para sa akin, isang malaking kahunghangan ng MMFF jurors na totally inisnab ang pelikula sa awards, lalo na si eugene na siyang dapat talagang maging best actress. Respetado namin ang husay ng acting ni maricel soriano sa girl boy bakla tomboy...pero hindi siya deserving mag-best actress dahil supporting lang naman ang role niya. Ano bang maitatawag mo sa ganyang katatangang mga hurado na ni hindi nila mai-categorized ng tama sa awards ang mga artistang nagsisiganap?! Kung may dapat manalo sa girl boy bakla tomboy, si vice ganda yun as best actor. May tatalo pa ba sa mahusay niyang pagganap sa apat na katauhan na nagampanan niya na akala mo'y iba-ibang tao siya?! Ganundin ang excellent performance ni eugene sa kimmy dora.
Dapat sana sina vice ganda at eugene domingo ang best actor & best asctress, respectively, pero gaya ng sabi ko much earlier sa mga reviews ko, mananalo sina vice at eugene kung nasa matinong pag-iisip ang mga judges. It turned out na wala nga sila sa katinuan dahil binalewala na naman nila ang tunay na mahuhusay.
Ano kaya ang pakiramdam ng mga artistang nananalo sa bawat awards night na sila mismo alam nila sa sarili nilang hindi naman sila deserving? At ano rin kaya ang pakiramdam ng mga iniimbitang bobong hurado na tinatanggap ang imbitasyon kahit alam nilang wala naman silang alam ni katiting tungkol sa pelikula at wala rin silang kakayahang umuri kung ano ang tunay na mahusay na pagganap?!
Ano kaya ang pakiramdam ng mga artistang nananalo sa bawat awards night na hindi naman talaga sila deserving? Paano nila naaatim tanggapin ang award at matuwa sa karangalang hindi naman talaga nararapat para sa kanila? kapalan na lang ba talaga ng mukhang tanggapin nila ang award at tanggapin rin ang bawat huwad na papuri at pakikisakay ng mga kamag-anak at kaibigan nila? Naniniwala rin ba talaga silang magaling sila habang naisahan talaga yung super-deserving na hindi lang nanalo dahil sa kabobohan ng mga judges?!
Yes, kabobohan. Hindi naman ako naniniwalang pag natalo sa awards night ang isang artista, napulitika na. Madalas mga bobo lang talaga ang judges na walang alam kung ano talaga ang magandang pelikula at anong uri ng pagganap talaga ang mahusay?! hanggang doon lang talaga ang abot ng pag-iisip nila na mistula silang anay na patuloy na bumubulok sa nalalabing katinuan ng naghihingalong industriya ng pelikulang pilipino.
Pero kung may dignidad ang artista at aaminin niya sa sarili niyang hindi naman siya deserving sa anumang bobong batayan, mas kahanga-hanga siya kung aakyat siya ng entablado at isasauli niya ang award at sasabihin niya sa harap ng publikong, "hindi ko ito matatanggap dahil alam kong may mas deserving kesa sa akin". Tingnan ninyo kung hindi mag-standing ovation sa palakpakan ang mga tao sa isang awards night na may artistang may pagpapahalaga sa kanyang dangal, at hindi lang isang sabik sa karangalang hindi naman dapat para sa kanya.
Sana, may maglabas ng buong listahan ng Cinema Evaluation Board members na bumoto para hindi mag-"A" ang "Kimmy Dora, ang quiemeng prequel". puri ang lahat ng kanilang comments at wala ni isang hindi nagkagusto, bakit "B" lang?---though tama ang paghusga nila sa "10, 000 hours" na binigyan nila ito ng "A", kahit kasamahan nila as voting member si joyce bernal na direktor ng pelikula ni robin padilla.
Kung sinabi ni Mario Bautista na "scrap the CEB. it's members are dumb!"--ano na lang kaya ang maitatawag niya at nating lahat sa mga judges ng Metro Manila Film Festival (MMFF) na pinamumumuan ng mga taong ni trapik sa kalye ay hind maisaayos, nakikialam pa sa mga pelikula na lalong wala silang kaalam-alam!
Sana may maglabas din ng kumpletong listahan kung sinu-sino ang mga bobo at hunghang na mga huradong ito. ipinakilala naman sila nung awards night, pero dahil nga lahat sila'y walang kredebilidad, si ariella arida lang ang natandaan ko. anong alam ng isang hindi rin naman katalinuhang beauty queen sa pelikula? napanood ko ngang nag-judge yan sa "showtime" na kalokohang katomboyan lang ang hinuhusgahan, hindi pa yan makapag-judge ng maayos at napakagaga ng mga comments, sa pelikula pa kaya?! Isa lang siya sa mga bobong hurado ng MMFF na nagpanalo kay maricel soriano na best actress, kahit napakaikli at supporting role lang siya sa "girl boy bakla tomboy".
Mag-aminan tayo na isang malaking kalapastanganan sa dangal ng nakahandusay na sa lusak na pelikulang pilipino na may mga hurado pang ganyan katatanga kung humusga ng pelikula. lalong katampalasang ni hindi nanalo si eugene domingo as best actress at ang pelikula niyang "kimmy dora" at si vice ganda as best actor sa "girl boy bakla tomboy". Kung gusto pala nilang ipanalo si maricel, sana'y ginawa nilang best supporting actress at hindi nila ipinanalo ang hindi talaga deserving na si aiza seguerra!
Ano bang ginawa ni aiza sa "my liitle bossings"? Puwede ngang tanggalin ang role niya dun na wala talagang saysay sa isang basurang pelikula na sinayang lang ang husay nina ryzza mae dizon at bimby yap na hindi talaga na-maximized sa pelikula. Paano mo ipapanalo si aiza na hinawakan lang ang ariel powder laundry soap at garapalan itong ini-endorso sa pelikula?! Paano mo ipapanalo ang isang performance ng isang artistang wala namang nai-contribute sa isang basurang pelikula?!
Dapat mahiya na ang MMDA at ipamahala na sa mga experto sa pelikula ang MMFF. Sino ba ang nagbigay ng ilusyon sa kanila na puwede silang humawak ng MMFF in the first place?! Taun-taon na lang puro kahihiyan ang isinasabog nila sa publiko at sa industriya ng pelikula! Paano maiaangat o maibabangon pa ang lugmok na industriya ng pelikula kung ganyan kabobo at wala talagang alam ang mga namamahala ay humuhusga sa mga pelikula at mga artistang dapat magwagi?! Kung may isa o dalawang huradong experto man sa pelikula sa hanay nang sangrekwang bobong judges, ibig sabihin, hindi nila naisasalba sa kamay ng mas maraming walang alam ang tunay na kalidad at pamantayan ng mga dapat magwagi, dahil taun-taon na lang ganyan kabastos ang resulta ng MMFF....
