ANG MATAPANG AT MAKATOTOHANAN KONG PREDIKSIYON KUNG SINO ANG MANGUNGUNA AT MANGUNGULELAT SA TAKILYA SA METRO MANILA FILM FESTIVAL NGAYONG PASKO. NEVER MIND THE AWARDS. FOR SURE, ANOTHER "COOKING SHOW" NA NAMAN YAN. LUTUAN NA NAMAN ANG RESULTA, DAHIL PAWANG MGA "CHEF" NA MGA WALANG ALAM SA PELIKULA ANG MGA NANGANGASIWA, DAVAH?! AT PERA-PERA LANG DIN SILANG LAHAT!
Nung 80's, napaka-exciting lagi ng metro manila film festival tuwing pasko. laging maganda ang labanan sa box-office at sa awards. Sa entries pa lang nina vilma santos versus nora aunor versus dolphy versus FPJ buhay na buhay na ang festival.
That was a thing of the past. Huwag na nating balikan yun at hindi tayo dapat nabubuhay sa kahapon. I-enjoy natin kung ano ang pelikulang nakahain ngayon, mula sa mga artista at direktor ng makabagong panahon.
Ngayong mmff 2013, walong pelikula ang pasok na noon ay karaniwan ang laging sampu.
Sa walo, ito ang pakiramdam kong magiging resulta sa takilya. Ito ang kutob ko, pakiramdam ko from the heart. Isang matapang at makatotohanang prediksiyon. so, sa tingin ko ito nga ang magaganap na labanan:
Feeling ko mangunguna sa takilya ang unkabogable na si vice ganda sa "girl boy bakla tomboy". mukhang kakaiba ang ginawa dito nina vice ganda at direk wenn deramas. tunay ngang times 4 ang saya at nagpakita nga si vice ng panibagong husay sa iba't ibang apat na karakter. First time sa philippine cinema ang konseptong apat na mukha ang bida na usually, dalawa hanggang tatlo lang, kaya very interesting sa lahat ng age bracket, kahit anong panahon; hindi rin maiaalis ang katotohanang may track record na si vice ganda na 384 million pesos ang huling kinita ng pelikulang pinagsamahan nila ni direk wenn deramas, at lalong mahirap ngang kabugin sa takilya ang panguhahing aktor ng bansa na patuloy na sinusubaybayan at iniidolo sa "showtime" at "gandang gabi vice sa sobrang husay niyang magpatawa. kaya siguradong mas susugod pa ang mga tao sa sinehan para makita si vice sa apat niyang mas nakakaaliw na pagkatao; bukod sa katotohanang master na ni direk wenn deramas ang pulso ng masa bilang tunay na box-office director at master story teller of his time.
Bery close sa "girl boy bakla tomboy", magna-number 2 ang "my little bossing" with ryzza mae dizon and bimby aquino. mahahatak ng phenomenal na aleng maliit na reyna ng look up ang mga tao sa sinehan; kahit nga si bimby ay dalang-dala niya. naniniwala akong sa pananabik din ng taong makita si ryzza mae na mala-maligno sa husay sa TV as dabarkad sa "eat bulaga" and as host ng sarili niyang show, excited ang mga taong makita siya sa big screen. Kahit si bimby ang title role as "my little bossing" (dahil singular lang ito), kitang si ryzza mae talaga ang magdadala ng pelikula sa takilya. even bossing vic sotto and kris aquino, ay mga sidelights lang sila this time.
Kung tutuong may hatak sa tao o malakas sa fans sina daniel padilla at kathryn bernardo, baka mag-number 3 ang "pagpag" sa takilya. pero kung hype lang ang kunwa-kunwarian nilang kasikatan na gawa lamang ng mga bayarang publicity, hindi mangyayari ito. baka mga number 5 lang sila.
Number 4 lang sa akin ang "kimmy dora" ang kiyemeng prequel. Una pa lang nakipagkiyemehan na sa publiko ang pelikulang ito ni eugene domingo na okey-okey naman yung una; inulit pa ito pero hindi na maganda. super-dragging na. ngayon, nagtaka ko, pumangatlo pa. si sam milby ang bagong element, pero i don't think na makakatulong siya. Magaling na aktor si sam, pero hindi sa ganitong klaseng pelikula. kiyeme nga lang, davah? Bakit naman natin seseryosohin hanggang pangatlo pa? naipakita na sina kimmy dora kung ano sila ng dalawang beses, pakialam pa natin sa kanilang mga nakaraan bago ang una't pangalawa? Iwan na lang nating ganun yun. at least happy si eugene sa kanyang TV show na "celebrity bluff". Top rating ito, pero ang lahat ng huling pelikula niya'y hindi na kasing lakas ng mga nauna niyang ginawa: sunud-sunod na mahinang-mahina ang "tuhog"; "instant mommy" at kahit yung "momzillas" na kung saan, dinala niya at nilamun-lamon naman niya si maricel soriano, performance wise. Magaling na aktres si eugene domingo, no doubt...dapat sana gumawa na lang siya ng bagong pelikula, bagong konsepto, bagong karakter at hindi na inulit-ulit itong "kimmy dora". Definitely, hindi ko na rin ito panonoorin, until my tunay na bagong pelikula ang tinatawag kong great actress ng new generation.
Mag-uunahan sa pangalawang kulelat---5&6 slot ang "10,000 hours" ni robin padilla at "boy golden" ni ER ejercito. una, may follwing pa ba ang mga action flick sa panahon ngayon? Kung meron man, hindi nila mahihigtan ang mga light or comedy films sa box-office. gusto ng tao ngayon tumawa, sa dami ng mga kabigatang dumarating sa ating bansa. Paano panonoorin ng tao yung pelikula ni robin? sinasabing true story ito ng buhay ni panfilo lacson nung nagtago siya, pero bakit sa pelikula, hindi naman nila ginamit ang pangalan ni ping lacson?
Yung boy golden naman, wala pang pelikulang kumita si ER ejercito sa katotohanan, kundi hina-hype lang din ng mga bayaran; even his award na hindi naman niya talaga deserved. Plus si KC concepcion pa ang leading lady na wala pa rin ginawang nag-hit sa TV man o sa pelikula. as in lahat nang ginawa ni KC sa TV, puro hindi nag-rate at lalong flop ang mga pelikulang sinamahan niya. hindi ba't "jinky suzara" nga ang tawag sa kanya sa ABS-CBN dahil jinx nga raw? Maghihilahan sila pababa ni ER.
Siyempre, hindi naman mahirap i-predict ang dalawang pinaka-kulelat: ang "pedro calungsod: batang martir". Una, propaganda movie ito na sinasabi ng mga nakapanood na, hindi raw maganda ang pagkagawa ng first timer director; at wala rin namang following ang bidang si rocco nacino. Yes, magaling naman siyang aktor, pero wala siyang fans para mapuno ang isang screening ng isang sinehan; at ang "kaleidoscope world" na ang bida'y nagngangalang seph cadayona. Zino yun?! sorry, ha, hindi ko talaga kilala...O, paano panonoorin ang ganung pelikula na ni hindi kilala ang bida katapat ng malalaking pelikula?!
Do i have to say more?
