Sancho De Las Alas Reveals True Feelings About His Mom's Younger Boyfriends

SANCHO DE LAS ALAS candidly admits he tried out for PBB at ABS-CBN. “Pero hindi ako nakuha,” he says. “Nagkaroon ng auditions sa GMA and I joined it. Akala ko, hindi rin ako nakuha, but after some weeks, they called me at pinapirma ko ng contract sa GMA Artist Center. So ngayon, I’m waiting for my first assignment. Kumuha na ko ng comedy workshop with Michael V at ngayon naman, drama workshops. Gusto kong hasang-hasa na ako bago ako humarap sa kamera. Passion ko talaga kasi ito. My mom is a film-TV actress while my dad (Rey Malte Cruz) is a theatre actor. So dugong artista talaga ang tumatakbo sa’kin. I’m willing to do comedy man o drama. But they told me mas bagay sa’kin ang character roles, kontrabida, kasi puro tattoos ang katawan ko. Hindi ako nagmamadali, pero excited na ako.”

How’s his dad now? “May sakit. Nagpabili nga sa akin ng wheelchair. Ako ang bunso niya kasi yung step siblings ko with him, puro mas matanda sa’kin. Kay mama naman, ako ang panganay. Sumunod sa’kin si Niccolo at si Sofia na si Papa Migs (Miguel Vera) ang dad.”

Did he get along fine with Miguel? “Oh yes, sa kanya ako lumaki kaya close kami. Both Nic and Sofia are now with him. Umuwi sila noong Christmas so buo kami, but Nic only stayed for one week kasi may trabaho na siya. E, hindi siya puedeng mawala ng matagal kasi bago pa lang siya.”

Is he supportive of her mom’s love affairs? “Oh yes, kami ng mga kapatid ko, basta masaya siya, masaya rin kami. Pag hindi na siya masaya, siempre iba nang usapan yun. Sa ngayon, I can see masayang-masaya siya talaga kay Gerald. Sobrang maasikaso naman kasi. Yung iba, nagja-judge agad na pera lang daw ang lahat. Hindi totoo yun. Masaya talaga si mama at tingnan muna nila bago sila manghusga.”

Ai Ai says Sancho is really very caring. “Nine years old yan, nagtrabaho sa pedicab at nang makaipon ng P35 binili ako ng kuwintas. Napaiyak ako. Masikap siya. May sarili siyang T-shirt business, yung Sail Away. Tinutulungan din niya ako sa business ko ngayong Fruits and Blooms. We make fragrances and hygienic wash for both men and women. Balak kong magtayo ng boutique para maging outlet ng products namin. Siya, balak din niyang magtayo ng Italian restaurant later kasi tapos siya ng culinary arts. Talagang mabait na bata yan.”